Монгол Улсын Их Хурлын дарга З.Энхболд Европын Холбоо, Европын Холбооны гишүүн орнуудаас Монгол Улсад суугаа болон хавсран суугаа Элчин сайд нарыг өнөөдөр хүлээн авч уулзлаа. Уг уулзалтын үеэр Элчин сайдууд УИХ -ын даргаас Монгол Улсын улс төр, эдийн засгийн нөхцөл байдал болон парламентын хамтын ажиллагааны талаар сонирхсон зүйлээ асууж тодруулсанд Улсын Их Хурлын дарга хариулт өгсөн юм.Уулзалтад Герман, Их Британи, Франц, Чех, Австри, Бельги зэрэг 27 орны Элчин сайдууд оролцсон юм.
            Мөн уулзалтад Улсын Их Хурлын дэд дарга М.Энхболд, Л.Цог, Улсын Их Хурлын гишүүн, УИХ дахь МАН-ын бүлгийн дарга С.Бямбацогт, Улсын Их Хурлын гишүүн, УИХ дахь МАХН-МҮАН-ын “Шударга ёс” эвслийн бүлгийн дарга Н.Батцэрэг нар байлцав.