Чуулганы өнөөдрийн үдээс өмнөх хуралдаанаар Төрөөс мөнгөний бодлогын талаар 2015 онд баримтлах үндсэн чиглэл батлах тухай УИХ –ын тогтоолын төслийн анхны хэлэлцүүлгийг хийж гишүүд олонх нь дэмсэнээр  эцсийн хэлэлцүүлэгт шилжүүлжээ. Мөн Үндсэн хуулийн цэцийн 2014 оны 10 дугаар сарын 22-ны өдрийн 06 дугаар дүгнэлтийг хүлээн зөвшөөрөх эсэх асуудлыг хэлэлцээд хүлээн зөвшөөрөхийг  дэмжсэн байна. Харин хүлээн зөвшөөрсөн УИХ –ын тогтоол гаргаж баталгаажуулахаар санал хураахад гишүүдийн дэмжлэг авсангүй.
             Мөнгөний бодлогын тухай ажлын хэсгийн гаргасан саналыг Байнгын хороо дэмжсэнийг УИХ-ын чуулганаар мөн дэмжлээ. Төгрөгийн тогтвортой байдлыг хангах зорилгоор макро эдийн засгийн гадаад тэнцвэрийг дэмжих, банкны салбарт эрсдэл хуримтлагдахаас сэргийлэхэд чиглэсэн арга хэмжээ авахыг Монголбанкинд даалгахаар болсон юм. Яг одоо Эдийн засгийн байнгын хороо хуралдаж Төрөөс мөнгөний бодлогын талаар 2015 онд баримтлах үндсэн чиглэл батлах тухай УИХ –ын тогтоолын төслийн  эцсийн хэлэлцүүлгийг хийж байна.