АН –ын ҮЗХ -ны яг одоо үргэлжилж буй ээлжит бус хурал дээр н.Сайнбуян, н.Хүдэрчулуун, н.Доржпүрэв нар индэр дээр гарч үймээн дэгдээжээ. Үүнээс улбаалан ҮЗХ -ын зарим гишүүд хоорондоо гар зөрүүлээд амжсан сурагтай. Эдгээр хүмүүс нь Н.Алтанхуягийн талын хүмүүс бөгөөд ихээхэн шүүмжлэлд өртөөд буй намын даргаа өмөөрч эмх замбараагүй байдал үүсгэсэн бололтой. Энэ үйл явдал АН –ын дотоод тэмцэл дээд цэгтээ хүрсэн болохыг олон нийтэд харууллаа. Эх сурвалжийн хамгийн сүүлд өгсөн мэдээллээр ҮЗХ хэдхэн хоромын өмнө тооллогын комиссоо байгуулсан гэнэ. Эхэлсэн цагаасаа хойш таван цагийн дараа дөнгөж тооллогын комиссоо байгуулж байгаа уг хурал нэлээдгүй удаашрах төлөвтэй боллоо.