Ерөнхий сайд Н.Алтанхуяг суудлаасаа огцорсоноор Засгийн газрын бүтэц бүрэлдэхүүнд багагүй өөрчлөлт орох нь тодорхой болоод байгаа. Шинэ гишүүд, шинэ сайдууд томилогдож, зарим нь намаасаа хүртэл хөөгдөх дээрээ тулаад байгаа юм. Хурал хоёр дахь өдрөө буюу өнөөдөр үргэлжилж буй юм. Улмаар Ерөнхий сайдын хийгээд Засгийн газрын эсрэг санал өгсөн зарим гишүүдийг намаасаа хөөх асуудлаар АН-ын ҮЗХ хуралдаж байгаа. Өнөөдрийн хурлаар Ерөнхий сайдын асуудлыг хэлэлцэхгүй гэж байсан ч УИХ-ын дарга З.Энхболд шинэ Ерөнхий сайдыг томилох  асуудалд 33 гишүүний нэрийг дэвшүүлсэн байна. Өөрөөр хэлбэл, бүх гишүүдийг нэрсийг эрэмблэн санал хураагаад  хамгийн олон санал авсанаа Ерөнхий сайд болгоё гэсэн санал дэвшүүлээд байгааг эх сурвалж мэдээллээ.