Төрийн ордонд хоёр өдрийн турш хуралдсан Ардчилсан намын ҮЗХ-ны ээлжит бус 43 дугаар хурлаас гаргасан шийдвэрийн талаар намын Ерөнхий нарийн бичгийн дарга Ц.Оюундарь тэргүүтэй албаныхан сэтгүүлчдэд мэдээлэл хийлээ.Хуралдаанаар үндсэн гурван асуудал хэлэлцсэн байна.
Нэгдүгээрт, улс төрийн нөхцөл байдал, цаашид авах арга хэмжээ,
Хоёрдугаарт Ардчилсан намын Их хурлын товыг тогтох, хэлэлцэх асуудлыг батлах,
Гуравдугаарт Хяналтын ерөнхий хорооны шийдвэрийг авч хэлэлцжээ.
Улс төрийн өнөөгийн үүссэн нөхцөл байдлын тухайд дараагийн Засгийн газрыг хэрхэн байгуулах, ямар нам, эвсэлтэй хамтрах талаар тодорхой шийдвэр гаргаж, дахин ҮЗХ-ны хуралд оруулж ирэхийг УИХ дахь Ардчилсан намын бүлэг болон намын дарга Н.Алтанхуягт даалгажээ. Ингэхдээ аль нэг нам, эвслийн нэрийг тухайлан зааж өгөөгүй гэж байна. Тодруулбал, УИХ-д суудалтай нам, эвслүүдтэй хамтран ажиллах, зөвшилцөл хийж, дараагийн Засгийн газрыг байгуулах хувилбарыг оруулж ирж, ҮЗХ-ны хурлаар хэлэлцүүлэхийг намын дарга Н.Алтанхуяг болон УИХ дахь Ардчилсан намын бүлэгт үүрэг болгосон байна.
Мөн хуралдаанаар Ардчилсан намын Их хурлыг ирэх сард хуралдуулахаар тогтлоо. Энэ хүрээнд Их хурлын товыг тусгайлан зарлах, бэлтгэл ажлыг хангах ажлын хэсгийг ҮЗХ-ны 15 гишүүний бүрэлдэхүүнтэйгээр байгуулжээ. Харин хяналтын Ерөнхий хорооны шийдвэрийн тухайд энэхүү шийдвэр нь өөрөө дүрмийн зөрчилтэй, хүний эрхийн хэм хэмжээг хангаагүй гэж үзсэн тул хэлэлцэхээс татгалзжээ.
Мөн дараагийн Ерөнхий сайдыг хэрхэн томилох талаар тодруулахад “Манай намын дүрмэнд УИХ-ын сонгуулиар нам олонхи болсон бол намын дарга Ерөнхий сайд болно гэж заасан. Гэхдээ намын дарга өөрөө Ерөнхий сайд болохгүй гэж үзвэл намын даргын санал болгосон хүнийг ҮЗХ-ны хурлаар хэлэлцээд, Ерөнхий сайдад нэр дэвшүүлэх ёстой. Энэ талаар ҮЗХ-ны гишүүн З.Энхболд УИХ дахь бүлэгт байгаа 34 гишүүнийг шууд нэр дэвшүүлээд, эрэмбэлье гэсэн санал гаргасан. Гэвч энэ нь дүрмэнд нийцээгүй учраас хүлээж аваагүй. Намын дүрмээр Ерөнхий сайдыг зөвхөн намын дарга л нэр дэвшүүлэх эрхтэй. Нэр дэвшүүлсэн хүнийг ҮЗХ хэлэлцэнэ” гэж Ц.Оюундарь ярьжээ.
Мөн хуралдаанаар Ардчилсан намын Их хурлыг ирэх сард хуралдуулахаар тогтлоо. Энэ хүрээнд Их хурлын товыг тусгайлан зарлах, бэлтгэл ажлыг хангах ажлын хэсгийг ҮЗХ-ны 15 гишүүний бүрэлдэхүүнтэйгээр байгуулжээ. Харин хяналтын Ерөнхий хорооны шийдвэрийн тухайд энэхүү шийдвэр нь өөрөө дүрмийн зөрчилтэй, хүний эрхийн хэм хэмжээг хангаагүй гэж үзсэн тул хэлэлцэхээс татгалзжээ.
Мөн дараагийн Ерөнхий сайдыг хэрхэн томилох талаар тодруулахад “Манай намын дүрмэнд УИХ-ын сонгуулиар нам олонхи болсон бол намын дарга Ерөнхий сайд болно гэж заасан. Гэхдээ намын дарга өөрөө Ерөнхий сайд болохгүй гэж үзвэл намын даргын санал болгосон хүнийг ҮЗХ-ны хурлаар хэлэлцээд, Ерөнхий сайдад нэр дэвшүүлэх ёстой. Энэ талаар ҮЗХ-ны гишүүн З.Энхболд УИХ дахь бүлэгт байгаа 34 гишүүнийг шууд нэр дэвшүүлээд, эрэмбэлье гэсэн санал гаргасан. Гэвч энэ нь дүрмэнд нийцээгүй учраас хүлээж аваагүй. Намын дүрмээр Ерөнхий сайдыг зөвхөн намын дарга л нэр дэвшүүлэх эрхтэй. Нэр дэвшүүлсэн хүнийг ҮЗХ хэлэлцэнэ” гэж Ц.Оюундарь ярьжээ.
Сэтгэгдэл (45)