Ерөнхий сайдыг өнгөрсөн долоо хоногт огцруулсан даруйд  Засгийн газрын хэрэг эрхлэх газрын албан хаагчид өөрсдийн ажлын компьютерээ  яаран форматалсан гэнэ. Тодруулбал Хяналт, шалтгалт, үнэлгээ, дотоод аудитын газрын хэд хэдэн албан хаагчид комьпютерээ форматалжээ. Тэд бүгд ЗГХЭГ –т ажилд ороод 1 – 2 жил болсон ажилтнууд бөгөөд ЗГХЭГ нь дарга, тэргүүн дэд дарга, дэд дарга болон 11 албаас бүрддэг юм. Эдгээрээс Хяналт шалтгалт, үнэлгээ, дотоод аудитын газар нь ЗГХЭГ –таа томоохонд тооцогддог алба аж. Өөрөөр хэлбэл Засгийн газрын шийдвэрийн хэрэгжилт яам, агентлаг төдийгүй нийслэл орон нутагт ямар шатанд явааг тус газрынхан хяндаг. Тус газрын мэдээллийн санд ЗГХЭГ –аас гаргасан бүх албан тоот бүр тусгай дугаар, он сар өдөртэйгөө архивт нь хадгалагдан үлддэг байх учиртай. Тэдний форматалсан комьютерүүдэд чухам ямар агуулгатай мэдээлэл байсан эсэхийг тодорхой мэдэх боломжгүй ч Ерөнхий сайдыг огцрох даруйд шуурхай “цэвэрлэгээ” хийсэн гэдэг нь “но” –той байж болзошгүй гэх хардлага дагуулаад байгаа юм.