АН-ын бүлэг өнөөдөр хуралдаж Ерөнхий сайдад нэр дэвшигчдээ сонгох гэж байна. Ерөнхий сайдад “Алтангадас” фракциас Ч.Сайханбилэг дэвшинэ гэж яригдаж байсан ч түүний оронд Л.Гантөмөрийг нэр дэвшүүлсэн. Ардчилсан нам дотроо хүчтэйд тооцогддог МоАХ, Шонхор фракцийнхан Р.Амаржаргалыг нэр дэвшүүлэхээр болсон. Харин МҮДН –ээс нэр Ц.Баярсайханыг нэр дэвшүүлсэн юм. Ингээд  энэ гурван хүн дээр АН –ын бүлгийн гишүүд санал хураалт явуулж Ерөнхий сайдад нэр дэвшигчээ тодруулахаар болсон. Эдгээрээс Р.Амаржаргал гарах хамгийн өндөр магадлалтай байсан юм. Гэтэл өчигдөр орой АН-ын дарга Н.Алтанхуяг мэдэгдэл хийгээд намын дүрмийн дагуу Засаг унагахад оролцсон гишүүдийн хэнийг нь ч Ерөнхий сайд болгохгүй гэсэн. Тэгэхээр Р.Амаржаргалыг Ерөнхий сайд болохыг дэмжихгүй гэсэн үг юм.

Энэ бүх асуудлаар өнөөдөр АН-ын бүлэг хуралдаж нэг шийдэлд хүрнэ. Бид энэ талаарх мэдээллийг шуурхай дамжуулах болно.