Энэ сарын 15-нд батлагдах хуулийн заалттай ирэх оны төсвийн төсөлд УИХ дахь МАН-ын бүлэг нэлээд ач холбогдол өгөн ажиллаж байна. Өчигдөр төсвийн төслийн талаар хуралдсан МАН-ын бүлэг өнөөдөр ч мөн энэ асуудалд анхаарлаа хандуулжээ. Тус намын бүлгээс байгуулагдсан төсвийн ажлын хэсгийнхэн үдээс өмнө Сангийн яам зэрэг байгууллагын холбогдох албан тушаалтнуудыг урьж оролцуулан ирэх оны төсвийн төслийг хэлэлцэж, санал солилцсон байна. Үдээс хойш уг намын бүлэг төсвийн асуудлаар дахин хуралдахаар төлөвлөжээ.

Харин сая Төрийн ордны Г танхимд Төрийн байгуулалтын байнгын хорооны хуралдаанаар Н.Алтанхуягийг Ерөнхий сайдын үүрэг гүйцэтгэгчээр томилох тогтоолын төслийг хэлэлцэхээр тов зарлагдсан ч ирц хүрээгүйн улмаас хойшилсон аж.

Т.Энхэлээ