Монгол Улсын Ерөнхийлөгч Ц.Элбэгдоржтой УИХ дахь АН -ын бүлэг шинээр томилох Ерөнхий сайдын асуудлаар зөвшилцөж байна. Эх сурвалжийн мэдээлж буйгаар яг одоо Төрийн ордонд Ерөнхийлөгчтэй АН -ын дарга Н.Алтанхуяг болон "Алтангадас" фракцийнхан уулзаж байгаа гэнэ. АН -ын үдээс өмнөх бүлгийн хурал УИХ -ын гишүүн Р.Амаржаргал, Ч.Сайханбилэг, Д.Ганбат нарын гурван гишүүнээ Ерөнхий сайдад нэр дэвшүүлээд түр завсарласан юм. Тэд үдээс хойш 13 цагаас дахин хуралдсан боловч энэ асуудлаар Ерөнхийлөгчтэй зөвшилцөх хэрэгтэй гэж үзэн тодорхойгүй хугацаагаар бүлгийн хурлаа завсарлуулаад байсан юм. Харин Ерөнхийлөгч Ц.Элбэгдорж БНХАУ –ын нийслэл Бээжин хотноо болсон АПЕК –ийн дээд хэмжээний уулзалтад оролцоод дөнгөж сая эх орондоо ирсэн.