УИХ дахь Ардчилсан намын бүлэг өнөөдөр хуралдаад Ерөнхий сайдад нэр дэвшигчийг Ерөнхийлөгчтэй зөвшилцөхөөр болж, шийдвэрлэсэн билээ. Тэгвэл тус асуудлаар Ерөнхийлөгч Ц.Элбэгдоржтой яг одоо уулзаж, ярилцаж байна гэж эх сурвалж мэдээллээ.

Ерөнхийлөгч Хятадын нийслэл Бээжин хотноо болсон АПЕК-ын уулзалтад оролцоод цаг гаруйн өмнө эх орондоо ирээд байгаа юм. Түүний онгоц цаг агаарын нөхцөл байдлын улмаас буух цагаасаа нэлээд хожимдож газардсан байна. Ерөнхийлөгч буусан даруйдаа Их тэнгэр рүү шууд явжээ. Харин АН-ын бүлгийнхэн аль хэдийн “Их тэнгэр” –т очиж Ерөнхийлөгчийг хүлээж байсан байна.
Ерөнхийлөгчийн хувьд "Асуудлаа дотооддоо нээлттэй ардчилсан зарчмаар өрсөлдүүлж олонхийн дэмжлэг авсан хүнийг дэмжинэ" гэдгээ илэрхийлээд байгаа юм.