Монгол Улсын Ерөнхийлөгч Цахиагийн Элбэгдорж өнөөдөр 21.30 цагаас UBS телевизээр шууд нэвтрүүлэгт оролцох юм байна. Тус телевизээс санаачлан зохион байгуулж буй “Улс төрд шинэ манлайлагч” төслийн шилдэг оролцогчид  төрийн тэргүүнтэй  уулзах удаа дараагийн хүсэлтийг тавьсныг Ерөнхийлөгч Ц.Элбэгдорж хүлээн авсан байна. Улс төр, нийгэм, эдийн засгийн амьдрал хурцадмал  байгаа энэ үед Ерөнхийлөгчийн оролцох шууд нэвтрүүлэг  олны анхаарлын төвд болох нь зайлшгүй юм.