2015 оны төсвийн тухай хууль батлагдсантай холбогдуулан УИХ дах намын бүлгийн дарга нар болон УИХ –ын дарга З.Энхболд, Төсвийн байнгын хорооны дарга Ц.Даваасүрэн нар сэтгүүлчдэд мэдээлэл өгсөн. Энэ үеэр тэднээс зарим зүйлүүдийг тодрууллаа.Төсвийн хүрээний мэдэгдлийг өөрчлөх саналыг Засгийн газарт оруулж ирсэн. Саналыг төсөвт тусгах боломжгүй байсан хэрэг үү?
-УИХ –ын дарга З.Энхболд: Энэ асуудлыг хэлэлцэхгүй гэж шийдсэн учраас төсөвт тусгаагүй.
Төрийн байгууллагын урсгал зардалд таналт хийсэнээр төрийн байгууллагын үйл ажиллагааны хэвийн байдал алдагдахгүй байх уу?
-Би гишүүнийхээ хувьд 2012 оны зардал руу эргэн очих хэрэгтэй гэж үзсэн. Гишүүд нийтээрээ ярж байгаад 2012 гэвэл арай их таналт хийгдэх юм байна гээд өнгөрсөн жилийн төвшинд байлгахаар болсон. Үүнээс илүү хасах боломж байна. Хэрэггүй олон байгууллагыг татан буулгах боломжтой гэж үзсэн. Тиймээс байгууллагын хэвийн ажиллагаанд нөлөөлөхгүй.
-Цалин тэтгэвэрийн цаг хугацааны үед хэдийд нэмэх боломж байгаа гэж үзэж байгаа вэ.
-Цалин тэтгэврийг нэмэх асуудлыг Засгийн газар өөрсдөө шийдэх байх. Эх үүсвэр нь байгаа учраас.
Төсөв алдагдалтай байгаа учраас орлого тал дээр ямар нэгэн шинэ зүйлээс хөрөнгө оруулж ирэх санал бий юу, Жишээлбэл гадны зээл тусламж гэх мэтчилэн?
-Төсвийн байнгын хорооны дарга Ц.Даваасүрэн: -Хуучин төсвийн орлого тал дээр харьцангуй хоосон шахуу орлого нэмээд хөрөнгө оруулалтын санхүүжилтийг нэмээд тавьчихдаг. Энэ удаагийн төсвийг тэгээгүй. Зарим нэг байгууллагын өөрийн орлогыг бууруулах, өсгөх зүйлийг хийсэн болохоос биш Засгийн газраас өргөн барьсан зүйлийг өөрчлөөгүй.
