МАН-ын бүлэг Ч.Сайханбилэгийг дэмжихгүй болсон талаараа хэвлэлийнхэнд мэдээлэл хийнэ. Өчигдөр хуралдсан тус бүлгийн хуралдаанд Ерөнхий сайдад нэр дэвшигч Ч.Сайханбилэг болон УИХ-ын дарга З.Энхболдд нар оролцож гишүүдийн асуултанд хариулсан. Тэднийг тус хуралдаанаас гарсны дараа МАН-ын бүлгийн гишүүд зөвшилцөөд Ч.Сайханбилэгийг дэмжихгүй гэсэн саналд нэгдсэн билээ. Үүний дараа тус намын удирдах зөвлөл үргэлжлүүлэн хуралдаж бүлгийн шийдвэрийг хэлэлцэж дэмжсэн. МАН Ч.Сайханбилэгийг дэмжихгүй гэсэн шийдвэрээ хэд, хэдэн шалтгаантай холбон тайлбарлаж байна. Тодруулбал, Ч.Сайханбилэг нь эдийн засагч биш учраас эдийн засгийн хүнд хэцүү нөхцөл байдлаас гаргаж чадахгүй гэж тус бүлэг үзжээ. Мөн өмнөх Ерөнхий сайдын багт ажиллаж байсан учраас Н.Алтанхуягийн бодлого үргэлжлэх магадлалтай гэсэн байна. Ч.Сайханбилэгийг Н.Алтанхуягтай нийлж улс орны эдийн засгийг унагасан хүмүүсийн нэг гэж байгаа юм. Ер нь МАН-ын бүлэг Н.Алтанхуягийн багт ажиллаж байсан хэнийг ч дэмжихгүй гэдэг байр суурьтай байгаа аж.
Т.Энхэлээ
Сэтгэгдэл (35)