МАХН, АН-ыг байгуулсан гэрээндээ үнэнч байна уу гэж "ам" асууж байна. Учир нь Ч.Сайханбилэг гишүүнийг "Шударга ёс" эвсэлийн бүлгээс дэмжинэ гэж байсан ч тэрбээр бүх намуудтай зөвшилцөл байгуулна гэсэн нь МАХН-ыг ийн эргэлзэхэд хүргээд байгаа аж. Өөрөөр хэлбэл, Ч.Сайханбилэг, З.Энхболд нар МАН-ын бүлгийн хурал дээр "Бид нар өнгөрсөн удаад алдаа гаргаж байжээ. Одоо бол та хэдтэй зөвшилцөөд хамтран ажиллах хүсэлтэй байна. Мөн бүх намуудтай ойлголцож, зөвшилцөнө" гэсэн байр суурийг илэрхийлсэн. Тиймээс ч бүх намуудад зөвшилцөл хийцгээе гэсэн санал хүргүүлээд байгаа. Тэгвэл үүнийг МАХН, МҮАН-ын “Шударга ёс” эвсэл үл ойлгож байна.

Энэ нь "Шударга ёс" эвсэлтэй 2012 онд хийсэн анхны гэрээ хүчингүй болсон гэсэн үг үү. Эсвэл хэвээрээ юу гэсэн хоёр асуултыг гаргаж ирж байгаа юм. Тиймээс МАХН үүнийг тодруулж, гэрээгээ эргэж харах болсон учир өчигдрөөс Гүйцэтгэх товчоогоо хуралдуулж байна.