Ерөнхийлөгч Ц.Элбэгдорж Ерөнхий сайдад нэр дэвшигч Ч.Сайханбилэгийг дэмжиж УИХ-ын чуулганаар хэлэлцүүлэх саналыг оруулж ирсэн. Энэ дагуу Төрийн байгуулалтын байнгын хороо хуралдаж Ч.Сайханбилэгийг Ерөнхий сайдад томилох эсэх асуудлыг хэлэлцэх гэж байна. Үүний дараа үргэлжлүүлэн УИХ-ын чуулганыг хуралдуулж хэлэлцэхээр болжээ. Эх сурвалжуудын мэдээлж буйгаар АН-ынхан Ч.Сайханбилэгийг дэмжих бүх тохироог хийсэн байна. Тэгэхээр өнөөдөртөө багтаж Ерөнхий сайдыг томилж магадгүй бололтой.