УИХ -ын чуулганаар яг одоо Ерөнхий сайдын асуудлыг хэлэлцэж байна. Гишүүд асуулт асууж дуусаан бөгөөд одоо санал хэлж байгаа юм. Энэ үеэр УИХ -ын гишүүн М.Зоригт өөрийн саналаа хэлсэн юм. Тэрээр "Олонхыг хамарсан нийгмийн халамжаас татгалзах цаг үе болжээ. Монгол улс гадагшаа худалдаа хийх боломж бололцоо нээгдлээ. Энэ мэт маш олон давуу талыг ашиглаж ажиллаарай гэж хэлмээр байна. Өнгөрсөн Ерөнхий сайд УИХ –д суудалтай нам бүлгүүдтэй маш муу ажилласан. Тиймээс ч огцорсон юм шүү. Ардын намынхан дэмжихгүй байна гээд өнөөдөр хуралдаа суухгүй байгаа ч гэсэн цаад утгаараа Ч.Сайханбилэгийг дэмжиж байгаа гэсэн үг. Шинээр байгуулагдах засгаа давхар дээлгүй байгуулж чадах нь чиний засгийн газрын хамгийн чухал зүйл. Мөн орон нутгаас чадварлаг хүмүүсийг урьж засагтаа ажиллуулах хэрэгтэй. Сүхбаатар аймгийн Засаг дарга Ж.Батсуурийг шинэ Засийн газрын бүрэлдэхүүнд өгөхөд бэлэн гэдгээ хэлье. Тэр хүний бодлого энэ засагт чинь хэрэгтэй байх. Миний таныг сонгосон шагнал энэ" гэсэн юм.
