Ардчилсан намын ҮЗХ дотор "Алтангадас" шиг хүчтэй, эрх мэдэлтэй, зохион байгуулалттай фракци байхгүй. Гэтэл тус фракци сүүлийн үед нам дотроо нэр хүндээ алдаж, түүгээр ч барахгүй гишүүдээ хүртэл алдахад хүрээд байгаа. Тэгвэл “Алтангадас” –ын зүг чиг, зам мөрийг олон жилийн турш хөтөлж явсан Н.Алтанхуяг өнгөрсөн долоо хоногт фракцийн толгойлогчоосоо унажээ. Харин нөхөд нь түүний оронд Засгийн газрын гишүүн, Хөдөлмөрийн сайд Я.Санжмятавыг “Алтангадас” фракцийн шинэ тэргүүнээр сонгожээ. Я.Санжмятавын хувьд одоогийн төрийн гурван өндөрлөгтэй эв түнжин сайтай байдаг гэсэн сураг сонсогддог. Өөрөөр хэлбэл Я.Санжмятавын тэргүүлсэн "Алтангадас" дээрх фракцийн тэргүүдтэй учир зүйгээ олоод явахад хялбар байх болов уу. Ерөнхийдөө Н.Алтанхуягаас болж муу нэртэй  болсон тус фракцийн нэр хүндийг сэргээж, хүн хүчний тоог нэмэх эрхэм үүргийг Ч.Санжмятавд даалгалжээ.