Ерөнхий сайд Ч.Сайханбилэг шинэ Засгийн газрыг байгуулахдаа УИХ-д суудалтай намуудтай зөвшилцөхөөр болсон. Тэрбээр зөвшилцөх бичгийг өмнөх долоо хоногт намууд руу хүргүүлсэн билээ. Намууд ч эхнээсээ ЗГ-т хамтрахыг дэмжиж буйгаа илэрхийлсэн байна. Тухайлбал, ИЗНН болон МАХН, МҮАН урьдчилсан байдлаар дэмжиж буйгаа илэрхийлээд байгаа. Ямартай ч шинэ Ерөнхий сайд Ч.Сайханбилэг улс оронд үүсээд буй хүнд нөхцөл байдлаас гарахын тулд бусад намуудтай хамтарсан Засгийн газар байгуулах ёстой гэдгийг илүүд үзэж байгаа аж. Түүнийгээ ч олон нийтэд мэдэгдсэн.

Яг одоо л гэхэд МАН, АН-ын ажлын хэсгүүд уулзаж зөвшилцөх гэж байна.