УИХ –ын өнөөдрийн чуулганаар Соёлын тухай хуульд нэмэлт оруулах тухай хуулийн төслийг хэлэлцэж байна. Гишүүд хуультай холбоотой асуулт асууж дууссан бөгөөд одоо гишүүд санал дүгнэлтээ хэлж байна. Хэлэлцэж буй хуультай холбоотойгоор УИХ –ын гишүүн Г.Баярсайхан “Таван тэрбум төгрөгийн мөнгөөр телевизийн салбарт хөрөнгө оруулж байхаар өөр зүйл хийх хэрэгтэй. Ядаж эмнэлэг барих нь зүйтэй. Хүүхдүүд цаана чинь хэвтэх оргүй байна. Геодизын аппарат авъя. Их хурлын дарга та төр хувийн хэвшилд орох нь буруу гэж ярьдаг хүн. Гэтэл өнөөдөр төр телевизийн салбар руу гар дүрэх гэж байна. Төр оролцох зүйлдээ л ормоор байна. Ингэж ярих юм бол нөхдөө дэлхийн шилдэг кино, сонгодог дуурь, театрын жүжиг гэж байдаг юм. Түүнийг дэмжинэ гээд ороод ирвэл болно. Ерөнхийлөгч тамирчдад мөнгөн хангамж өгөх саналыг гаргаж тэдний насан туршийнх нь хангамжийг бэлдэж өглөө. Үүнтэй адил гадаадын олон томхоон фествальд амжилттай оролцоод ирсэн хүмүүсээ яагаад дэмжихгүй байгаа юм бэ. Яам яагаад ийм ач холбогдолгүй юм УИХ –д оруулж ирж байгаа юм бэ. Би хувьдаа ССАЖ яамнаас ийм хууль оруулсаныг дэмжихгүй байна” гэлээ.