МАН-ын удирдах зөвлөл өнгөрсөн даваа гаригт хуралдаад намын Бага хурлыг өнөөдөр 14.00 цагт зарлан хуралдуулах товыг гаргасан. Уг хурлаар Засгийн газарт хамтрах эсэх асуудлаар ярилцаж шийд гаргах юм.

Үүнээс өмнө МАН-ын дарга, удирдлагууд Монгол Улсын үе үеийн Ерөнхийлөгч, Ерөнхий сайдаар ажиллаж байсан болон УИХ-д алба хашиж байсан хүмүүсийг хүлээж авч уулзаж, хүндэтгэл үзүүлэхийн зэрэгцээ МАН Засагт хамтрах талаар санал солилцсон билээ. Мөн дээрх асуудлаар тус намын удирдах зөвлөлийн гишүүд хуралдсан юм.