Ерөнхий сайд Ч.Сайханбилэг тэргүүнтэй Шийдлийн Засгийн газар өнөөдөр гурав дахь хуралдаанаа хийх гэж байна. Өнгөрсөн хоёр жилийн турш Шинэчлэлийн засгийн газар долоо хоног бүрийн бямба гарагт хуралдаж байсан юм. Ерөнхий сайд асан Н.Алтанхуяг засгийн газраа долоо хоногийн зургаан өдөр ажиллуулж байлаа. Тэгвэл шинээр сонгогдсон Ерөнхий сайд Засгийн газрын хуралдааныг долоо хоног бүрийн даваа гарагт хуралдуулж байх шийдвэрийг гаргасан юм. Өнөөдрийн хуралдаан үдээс хойш 16 цагаас эхлэх бөгөөд нийт зургаан асуудлыг хэлэлцэхээр товложээ. Үүний нэг нь нууц асуудал байх аж.Засгийн газрын хуралдаанаар хэлэлцэх асуудлын дараалал
- Монгол, Францын Засгийн газар хоорондын Ажлын хэсгийн хуралдааны тухай /С.Оюун/
- 2015 онд тусгай зориулалтаар агнах, барих агнуурын амьтны тоо, хэмжээг тогтоох тухай /С.Оюун/
- Засгийн газрын 2001 оны 54 дүгээр тогтоолын 1 дүгээр хавсралт, Засгийн газрын 2002 оны 219 дүгээр тогтоолын хавсралтад өөрчлөлт оруулах тухай /С.Оюун/
- Монгол Улсад 2015 онд зохион байгуулагдах олон улсын тэмцээнүүдийн тухай /Ц.Оюунгэрэл/
- Нууц асуудал* /Д.Бат-Эрдэнэ/
- Бусад асуудал* /Ч.Сайханбилэг/
