МАХН шинээр байгуулагдаж буй Ч.Сайханбилэгийн Шийдлийн засагт орохгүй гэж мэдэгдлээ. Тэд Н.Алтанхуягийн Шинэчлэлийн Засгийн газарт хамтарч оролцсоноор Шадар сайдын болон Сангийн яам, Эрчим хүч, Эрүүл мэнд яамыг өөрсдийн мэдлийнх болгосон юм. Харин “Шударга ёс” эвслийг бүрдүүлэгч МҮАН-ынхан одоогоор Засгийн газарт хамтрах талаарх байр сууриа албан ёсоор илэрхийлээгүй байна. МАХН засагт орохгүй болсоноор МАН-ынханд гурван яамны мэдэл нэмэгдэх магадлалтай боллоо.