“Шийдэл”-ийн гэж нэрлэгдээд буй Ч.Сайханбилэгийн засгийн газрын бүтэц бүрэлдэхүүний асуудал ойрын өдрүүдэд ярианы гол сэдэв болоод байна. Ерөнхий сайд ч тун ойрын хугацаанд буюу өнөө маргаашдаа багтаж Засгийн газрынхаа бүтэц бүрэлдхүүнийг УИХ-д өргөн барих төлөвлөгөөтэй ажиллаж байгаа ажээ. Эхлээд бүтцээ батлуулсаны дараагаар сайд нар болон бүрэлдэхүүнээ тодорхой болгох юм байна.
          Тэгвэл Ерөнхий сайд Ч.Сайханбилэг одоо байгаа бүтэц бүрэлдэхүүн дээр нэмж нэг яамыг байгуулахаар төлөвлөөд байгаа гэнэ. Эх сурвалжийн мэдээлж буйгаар шинээр байгуулагдах яам нь хуучин Эдийн засгийн хөгжлийн яамны үргэлжлэл байх бөгөөд тус яамны чиг үүргийг хадгалж үлдсэн Аж үйлдвэржилтийн яам байх ажээ. Тус яам нь эдийн засгийн голлох бодлогуудыг гаргахаас гадна томоохон аж үйлдвэржилтийн төсөл хөтөлбөрүүдийг хэрэгжүүлэх бодлогыг удирдан зохион байгуулах юм байна.