АН-ын бүлгийн дарга Д.Эрдэнэбат болон УИХ-ын гишүүн М.Батчимэг, С.Одонтуяа нар өчигдөр хуралдсан бүлгийн хурлын талаар мэдээлэл хийсэн юм. АН-ын бүлгийн дарга Д.Эрдэнэбат "Өчигдөр бүлэг хуралдаад бүлгийн дарга мэдээлэл хийх байсан ч ажлын хэсгийн уузлалт, ҮЗХ-ны хуралдааны шийдвэрийг хүлээх нь зөв гээд өнөөдөр мэдээлэл хийж байна. Улс төрийн шинэ хандлага улс оронд буй боллоо гэж бид үзэж байна. Өнгөрсөн хоёр жилийн хугацаанд эдийн засгийн байдал өөрлчөгдөж, энэ улс орон зайлшгүй эв нэгдлээ хангаж цаашид энэ хүндрэлээс түргэн хугацаанд гарахад нөлөөлөх улс төрийн шийдвэрийг АН гаргасан. Үнэхээр үүсээд байгаа нөхцөл байдалд үнэлэлт дүгнэлт хийх цаг болсон. Ард түмнийхээ ахуй амьдралыг дээшлүүлэх Монгол улсын тогтвортой байдлыг хангахад улс төрийн  намууд хамтарч ажиллах нь зүйтэй гэж үзэж байгаа. Энэ хугацаанд өрнөсөн улс төрийн үйл явц үүнд хариулт болно. 2012 онд байгуулагдсан Засгийн газар нийт хуралдах цагийнхаа 60 гаруй хувьд зөвхөн албан тушаал, Засгийн газрын гишүүн, Засгийн газрыг огцруулах асуудлыг хэлэлцээд хайран цагаа дэмий үржээ. Үүнтэй давхцаад уул уурхайн хямралаас үүдсэн эдийн засгийн хямрал хүндэрсэнд бид дүгнэлт хийхээс өөр аргагүй байдалд хүрсэн гэдгийг олон нийт ойлгож байгаа байх. Тийм учраас бидний өнөөдрийн явагдаж буй улс төрийн үйл ажиллагааг цоо шинэ хандлаг руу чиглүүлэх шаардлага зөвхөн АН-д биш улс төрийн олон нам хүчинд үүссэн гэж ойлгож байгаа. Энэ утгаараа өнгөрсөн долоо хоногийн улс төр нэлээд эрчимтэй өрнөлттэй, харилцан ойлголцолын шинжтэй болж өнгөрсөн. Бидний өмнө хүлээгдэж буй ажил олон байна. Бид эдийн засаг, улс төрийн тогтвортой байдлыг хангахын тулд асуудлыг шийдэх чухал үе ирсэн. Ардчилсан хувьсгал ялсан цагаас хойш өрнөж ирсэн улс төрийн үйл явц зөв байсан уу үгүй гэдгийг дүгнэх цаг хугацааны шалгуур дээр ирлээ гэж үзэж байна. Энэ ч утаагаа бид ажлын хэсгээ байгуулж улс төрийн намуудтай ойлголцолд хүрсэн нь үүний эхлэл боллоо. Энэ долоо хоногтоо багтаж Засгийн газрын бүтцийг УИХ-д өргөн барина. Боломж байвал өнөөдөртөө Ерөнхий сайд УИХ-д өргөн барина. Үүнийг нь УИХ гурав хоногийн дотор хэлэлцэж батлах ёстой. Үүний дараа бид Засгийн газрын гишүүдэд нэр дэвшүүлэх ажлыг энэ долоо хоногийн тав дахь өдөр гэхэд дуусгах санаатай байна. Амжихгүй ирэх долоо хоногт шийднэ. Бид эдийн засгийг эрчимжүүлэх асуудалд яаралтай орох ёстой. Энэ бол шинэ Засгийн газрын гол чиг баримтлал. Ирэх долоо хоногт эдийн засгийн хүлээгдэж буй гол хуулиудыг түрүүлж хэлэлцэнэ. Үүнд “Эдийн засгийн ил тод байдлын тухай хууль”, “Хөгжлий бодлого төлөвлөлтийн хууль”, “Аж ахуйн нэгжийн албан татвар нэмэгдсэн өртөгийн тухай хууль”, “Чөлөөт бүсийн тухай хууль”, “Төрийн өмчийн тухай хууль”, “Зөвшөөрлийн болон хяналтын тухай хууль” “Өрийн удирдлагын тухай хуулийг” зэрэг хуулийн байна. Цаашдаа энэ намууд улс орныхоо төлөө ажиллаж байгаа бол бие биенээ гүтгэсэн улс төржсөн байдлаасаа салж нийгэмд зөв ойлголт төрүүлэх хэрэгтэй. Засгийн газар байгуулахдаа АН-ын бүлэг аль болох тал бүрийн байр суурийг бодолцож байгаа" гэлээ.

                  Харин зөвшилцлийн  ажлын хэсгийг ахласан УИХ-ын гишүүн М.Батчимэг "Ерөнхий зөвшилцөл үргэлжилж байна. Ажлын хэсгүүд ИЗНН, “Шударга ёс” эвслийн бүлгийн ажлын хэсгүүдтэй уулзсан. Энэ үеэр АН 2012 оны сонгуулийн дараа байгуулсан гэрээгээ үргэлжлүүлнэ. Хэрэгтэй гэж үзсэн нэмэлт тодотголуудыг хийнэ гэсэн байр суурин дээр тохирсон. ИЗНН, “Шударга ёс” эвслийн бүлгээс бид засагт орно гэдгээ албан ёсоор бичгээр баталгаажуулж, гарын үсэг зурсан байгаа. МАН-ын бүлэгтэй бодлогын асуудлууд дээр нухацтай ярьсан. Хамгийн гол нь хамтарахын тулд хамтрах гэж байгаа юм биш хамтраад юу хийх вэ гэдгийг тодорхой болгох хэрэгтэй гэж хоёр ажлын хэсэг үзсэн. Хамгийн түрүүнд эдийн засгийн өнөөгийн хүндрэлүүдийг даван туулахын талд яах хэрэгтэй вэ. Цаашдаа урт болонд дунд хугацаанд эдийн засгийн хүндрэлийг даван туулахын тулд яах ёстойг ярилцлаа. Нам эвслийн бүлгүүд хоорондоо зөвшилцөөд 1.6 жилийн хугацаанд эдийн засгийг сайжруулахын хамтын хөтөлбөрийг гаргахаар болсон. Ерөнхий сайдын зүгээс ОУ-ын банк, санхүүгийн байгууллагуудтай хамтраад Монгол улсын макро эдийн засгийн хүрээнд үнэлгээ хийлгэхээр болсон. Эндээс гарсан дүгнэлтүүдийг үндэслэн цаашдаа хамтарч ажиллах болно. Мөн ойрын үед эдийн засгаа эрчимжүүлэх гол хуулиудыг  батлана.

Энэ үеэр АН-ын бүлгийг гишүүдээс зарим зүйлдийг тодруулсан юм.

-Ажлын хэсгүүд Засгийн газрын бүтэц бүрэлдэхүүний талаар ярилцсан уу?

М.Батчимэг: -Өнөөдөр энэ асуудлыг эцсийн байдлаар ярилцаж тохирно. Өгчигдөр ярих хуваарьтай байсан ч цаг амжаагүй. Яамдын тооны талаар Ерөнхий сайд өөрийнхөө чиг хандлагыг өгсөн байгаа. Түүнийг үндэслэн тохирно. Тиймээс одоо хэлэхэд арай эрт байна. Үдээс хойш ажлын хэсгүүд хуралдана.

-Гадуур МАХН засагт орохгүй гэсэн асуудлууд яригдаж байна. Хэрэв ийм тохиолдолд Засгийн газрын яаж бүрдүүлэх вэ?

-УИХ-ын гишүүн М.Батчимэг: МАХН-ын Гүйцэтгэх хороо өчигдөр орой хуралдаад олонхоор засагт орно гэдэг шийдвэр гаргасан. Түүнийгээ албан бичгээр баталгаажуулан бидэнд ирүүлсэн.

АН-ын бүлгийн дарга Д.Эрдэнэбат: Ер нь Засгийн газарт МАН, “Шударга ёс” эвсэл, ИЗНН бүгдээрээ хамтарч ажиллах шийдвэр гарсан. Энэ бол эцсийн ойлголт. Хамтрах тухай албан бичигт гарын үсгүүдээ зурсан байгаа.

МАН-ын ажлын хэсгийн ахлагч дараагийн сонгуульд хар машин ашиглахгүй. Гар тооллогоор сонгуулийг  явуулж магадгүй гэж байсан энэ тал дээр хариулт өгөхгүй юу?

М.Батчимэг: -Хар машинаар сонгууль  явуулсан нь амжилт гэж АН-ын маш олон хүн үздэг. Хэрэглэж ирсэн том ахиц дэвшлээсээ ухарахгүй гэдэг байр сууриа илэрхийлсэн. Тиймээс хэрвээ нэр дэвшигч саналын дүнд эргэлзэж байвал гараар хяналтын тооллого явуулна гэж тохирсон.

-МАН дахин өр тавих асуудлыг зөвшөөрөхгүй гэж мэдэгдэж байсан. Зөвшилцлийн явцад энэ талаар ярилцсан уу?

М.Батчимэг: -Бид МАН-тай Засгийн газар зээл  авах хэмжээг нэмэгдүүлэх нь зохисгүй юм байна гэж ойлголцсон. Харин Засгийн газрын баталгааг зээл гэж үзэх үү гэдэг зүйлийг ярилцсан. Засгийн газар нэмж бонд гаргахгүй. Засгийн газар дээр хэлэлцээд баталгаатай гэж үзсэн хувийн хэвшлүүдийн зээлд баталгаа гаргах нь зүйтэй гэж тохирсон.