МАН-ын бүлэг яг одоо хуралдаж байна. Тус хуралдаанаар Засгийн газрын бүтцийн асуудлыг хэлэлцэж байгаа аж. Өчигдөр Засгийн газрыг байгуулах АН, МАН-ын зөвшилцлийн ажлын хэсэг хуралдаад тодорхой шийдвэрт хүрэлгүй тарцгаасан. Тодруулбал, МАН шинээр байгуулах Засгийн газрын бүтцийг цомхон байх ёстой гэсэн байр суурийг илэрхийлсэн. Харин АН-ын ажлын хэсэг Засгийн газрын бүтцийг томосгох саналтай байгаа аж.

Тиймээс МАН уг асуудлаар өнөөдөр бүлгийн хурлаараа дахин ярилцах гэж буй нь энэ аж. Цаашид ч зөвшилцлөө хэрхэн үргэлжлүүлэх эсэх нь энэ хуралдаанаар тодорхой болно гэж эх сурвалж мэдээллээ.