Хууль зүйн сайдын үүрэг гүйцэтгэгч Х.Тэмүүжин өнөөдөр өөрийн твиттер хуудсаар дамжуулан маш ноцтой мэдээллийг дэлгэв. Тэрбээр 2 сая долларын гүйлгээтэй гурван ширхэг банкны хуулгыг үзүүлсэн бөгөөд доторх нэр, хаягийг нь арилгажээ. Тэрбээр уг жиргээнийхээ тайлбарт "Хуулийн нэр, хуулийн байгууллагын сүр хүчээр баялаг бүтээгчдийг дээрэмдэх-авлигын хэмжээ... " хэмээн бичжээ.
Үүнийг харсан хүмүүсийн нэг хэсэг нь МАН-ын авлигалын хэргийг илчилж байна хэмээн таамаглаж байгаа бол зарим нь Х.Тэмүүжин Засгийн газрын танхимдаа үлдэж чадахгүйгээс болж намын нөхдийнхөө булхайг ил болголоо гэж ярьж байна.
Аль нь ч байсан уг авлигын хэргийг үйлдсэн хүмүүсийг нэр, устай нь ил гаргах хэрэгтэй юм. Мөн хууль хяналтын байгууллагууд ч гэсэн энэ хэргийн мөрөөр шалгах хэрэгтэй гэж олон нийт үзэж байна. Үүнийг ард түмэн ч хүлээж байна.
Т.Энхэлээ
Сэтгэгдэл (119)