АН-аас Засгийн газрыг хамтран байгуулах санал тавьсантай холбогдуулан өнөөдөр Төрийн ордонд ИЗНН-ын Улс төрийн зөвлөлөөс томилогдсон ажлын хэсэг АН-ын ажлын хэсэгтэй уулзлаа.
ИЗНН-ын Улс төрийн Зөвлөлөөс Шийдлийн Засгийн газарт хамтран ажиллах АН-ын хүсэлтийг хүлээн авч, өнгөрсөн 2 жилийн хугацаанд удирдан ажиллаж байсан Байгаль орчин, ногоон хөгжлийн яамныхаа үйл ажиллагааг үргэлжлүүлж, УИХ-аар баталсан “Ногоон хөгжлийн бодлого”-ыг хэрэгжүүлэхэд илүү чармайлттай ажиллах ёстой гэдгээ илэрхийлжээ.
Мөн энэ талаарх шийдвэрийг АН-ын ажлын хэсэгт албан ёсоор уламжиллаа.
ИЗНН-ын Ажлын хэсэгт намын дарга С.Оюун, С.Дэмбэрэл, Ерөнхий нарийн бичгийн дарга Ц.Ганбат, Улс төрйн зөвлөлийн гишүүн Ц.Ганхуяг, Б.Хүдэр-Ян нар ажиллаж байгаа юм.
Сэтгэгдэл (1)