Монгол Улсын Ерөнхий сайд Ч.Сайханбилэг дөнгөж сая Засгийн газрын бүтцийг УИХ-ын дарга З.Энхболдод өргөн барилаа. Ойрын өдрүүдэд тодорхой зөвшилцөлд хүрч чадахгүй байсан АН болон МАН-ын бүлгээс томилогдсон ажлын хэсгүүд түрүүхэн хуралдаж Засгийн газрын бүтцийг 15 яам, 19 сайтай байхаар тохиролцсон юм. Ингэснээр энэ долоо хоногтоо багтаж сайд нарын нэрс тодорхой болох магадлалтай болоод байна. Учир нь бүтэц бүрэлдэхүүнийг өргөн мэдүүлсэн өдрөөс хойш гурав хоногийн дотор УИХ-аар хэлэлцэж батлах хуультай.