Хууль зүйн сайдын үүрэг гүйцэтгэгч Х.Тэмүүжин өчигдрөөс эхлэн ноцтой мэдээллүүдээр жиргэдэг болов. Тэрбээр өчигдөр хоёр сая долларын авлигалын хэргийг твиттер хуудсаар дамжуулан олон нийтэд ил болгосон бол өнөөдөр Ч.Сайханбилэг болон Р.Амаржаргал нар руу дайрсан битүүхэн мэдэгдлийг хийв.

Тэрбээр "Би Р.Амаржаргалаас ч тэр. Ч.Сайханбилэгээс ч тэр сайдын суудал гуйгаагүй. Хуулийн салбарын шинэтгэлийг ахиулдаггүй" гэж жиргэжээ. Үүнийг харсан хүмүүс түүнийг сайдын суудалдаа үлдэхийн тулд янз бүрийн аргыг сүвэгчилж байна хэмээн ярьж байна. Ямартай ч тэрбээр энэ жиргээгээрээ Ч.Сайханбилэг, Р.Амаржаргал хоёрыг хуулийн салбарыг дэмждэггүй хүмүүс гэж хэлэв.