Шинээр байгуулагдаж буй "Шийдэл"-ийн Засгийн газрын бүтэц бүрэлдэхүүн өнөөдөртөө багтаж тодорхой болох бололтой. Дөнгөж сая уг асуудлыг УИХ-ын чуулганаар хэлэлцэх нь зүйтэй гэж Төрийн байгуулалтын байнгын хорооны гишүүд үзсэн бөгөөд тун удахгүй чуулганаар хэлэлцэх гэж байна.
           Эх сурвалжийн мэдээлж буйгаар Засгийн газрын бүтцийг УИХ-аар батлуулсан даруйдаа тус тусын байнгын хороодоор шинэ сайдын нэрсийг ярилцах гэнэ. Товчоор хэлбэл маргаашийн дотор Ерөнхий сайд Ч.Сайханбилэгийн тэргүүлсэн Засгийн газрын бүтэц бүрэлдэхүүн, шинэ сайд нарын хамтаар тодрох ажээ. Ерөнхий сайд УИХ-д ЗГ-аа 15 яам, 19 сайдтай байхаар өргөн бариад байгаа.