Зарим агентлагуудыг татан буулгахтай холбоотой асуудлаар гишүүд нэлээдгүй санал зөрөлдөж байна. УИХ-ын гишүүн Х.Тэмүүжин Тахарын албыг буулгах асуудлыг эсэргүүцэж байгаа бол УИХ-ын гишүүн Ц.Оюунгэрэл ч мөн ССАЖЯ-ыг татан буулгаж байгааг эсэргүүцсэн юм. Мөн Цөмийн энергийн газрыг огцруулах эсэх асуудлаар "Шудрага ёс" эвслийн зүгээс эсэргүүцэн шүүмжилжээ.

Үүний хариуд Ерөнхий сайд Ч.Сайханбилэг "Засгийн газар үйл ажиллагаагаа явуулж эхэлмэгц энэ мэт асуудлууд тулгарах болно. Санал ч зөрөлдөнө. Бүгдээрээ асуудлыг шийдвэрлээд цааш явъя. Хэмнэлт хийх гэж ийм шийдвэрүүд гаргасан гэж ойлгож болохгүй. Өмнө нь ч Засгийн газрын бүтэц 19 сайдын дотор л явж ирсэн. ССАЖЯ-ны тухайд хамаарах салбаруудад нь л хариуцуулсан. Яахав энэ удаад Засгийн газрын бүтэц, бүрэлдэхүүнээ шуурхай шийдвэрлүүлэхийн тулд би Тахарын алба болон Цөмийн энергийн газрыг татан буулгах тухай хуулийн төслөө татаад авъя. Нийт 57 байгууллагын асуудал яригдах болно.  Энэ асуудлыг дараа нь оруулж ирнэ гэдэгээ хэлье" гэсэн юм.