УИХ-ын чуулганы нэгдсэн хуралдаанаар Монгол Улсын Засгийн газрын бүтцийг хэлэлцэх эсэх асуудлыг хэлэлцэж гишүүд асуулт асууж, санал хэлж байна. УИХ-ын гишүүн Ц.Нямдорж Засгийн газарт УИХ-д суудалтай бүх намууд ороод миний харж байгаагаар цагаан сарын идээний таваг шиг юм болж байна. Харамсаж байна. Дараа нь хэнээс хариуцлага асуух юм. Заавал бүгд орох ямар шаардлага байна. Ерөнхий сайд АН-ын фракцуудад сайдын суудал хуваах гээд зовчихсон, эвссэн намуудад сайдын суудал өгөх гэж зовоод. Ямар ажил эрхлэх нь ойгомжгүй нэг сайд гэсэн үг оруулж ирээд бантан цаашаа улам үргэлжлэх гээд байна. Ядаж Н.Алтанхуягийн сүүлд оруулж ирсэн хуулийг бариад явчихгүй төр улсыг зовоох ямар хэрэг байна. Ч.Сайханбилэгт би хатуу хөтүү үг хэлсэн ч, бас сайн ажиллачихаасай гэж хүсч байна. Засгийн газар нь эдийн засгийн хувьд маш хүнд нөхцөлд ажиллана. Хэрэггүй зардал орон тоогоо харж үзээд, цөөхөн орон тоотой чадварлаг бүтэцтэй ажиллана гэж харж байсан байхгүй байна. Харамсаж байна. УИХ-д суудалтай бүх намуудад сайдын суудал өгч УИХ-ын гишүүдийн амыг хааж, парламентад ёсыг үгүй хийх гэж байна. Энэ увайгүй үйлдлийг би тууштай эсэргүүцнэ. Сөрөг хүчний байр суурин дээр хатуу байна шүү.  Аятайхан хууль орж ирэх юм бол дэмжихийг л бодно. Яагаад хүн болгоны саналд нийцэх гэж олон сайд яам оруулж ирэх гэж байгаа юм бэ? Өөрт чинь бололцоо байсан шүү дээ. Олон яамтайгаар улс хөгждөг бол Монгол Кувейт катар шиг болох болчихсон. Засгийн газрын сайд гэж хамаагүй суудал болчихсон юм уу? Ямар ч портвелгүй сайд оруулж ирж байдаг. Ийм портвелгүй, хамаагүй сайд томилж байгаа юм бол Ерөнхий сайдаа нэг сайдынхаа суудлыг манай авгайд өгчих, тэгээд Р.Гончигдорж бид хоёр зургаа зураан сараар солиод явья” гэж ихээхэн хоржоонтой байр сууриа илэрхийллээ.