Засгийн газрын бүтэц бүрэлдэхүүний тухай асуудлыг чуулганаар хэлэлцэж нийт гишүүдийн олонх нь цаашид хэлэлцэх нь зүйтэй гэж үзсэн. Тиймээс хуулийн төслийг эцсийн хэлэлцүүлэгт бэлтгэх үүргийг Төрийн байгуулалтын байнгын хороонд өглөө. Яг одоо тус байнгын хороо Төрийн ордоны "А" танхимд шуурхай хуралдаж ЗГ-ын бүтэц бүрэлдэхүүний тухай хуулийн төслийг дараагийн хэлэлцүүлэгт бэлтгэх юм байна. Харин УИХ-ын дарга З.Энхболд үлдсэн гишүүдийг чуулганы танхимаас гарахгүй байхыг санууллаа. Тун удахгүй дээрх хуулийн төслийн эцсийн хэлэлцүүлгийг УИХ-аар хийх болно.