Ардчилсан хувьсгалын 25 жилийн ойд зориулсан эрдэм шинжилгээний бага хурал Төрийн ордонд үргэлжилж байна. Тус хуралд нийтлэлч Баабар “Монголын ардчилал ба ардчилах үйл явц” сэдвээр илтгэл тавих бол Улс төрийн боловсролын академийн Удирдах зөвлөлийн гишүүн Д.Ганбат “Ардчилал ба улс төрийн хөгжил-тоон хэлээр”, Сант марал төвийн захирал Л.Сумати “Ардчиллын үнэт зүйлс өөрчлөлт, төлөвшил” сэдвээр илтгэл тавиж буй аж. Тус бага хурлыг Монголын Ардчилсан холбоо, Улс төрийн боловсролын академитай хамтран зохион байгуулж байна.