Засгийн газрын сайд нарыг томилох асуудал гацсаар байна. Өнөөдөр л гэхэд Эрүүл мэндийн яамыг МАН-д өгнө гэснээс болж маргаан болжээ. Тодруулбал, Эрх баригчид МАН-д эрүүл мэндийн салбарыг хариуцуулна гэсэн бол нөгүүдэл нь авахгүй гэж гүрийсэн байна.

Өчигдөр Засгийн газрын бүтэц, бүрэлдэхүүнийг баталсан. Харин өнөөдөр сайд нарын нэрсийг тодорхой болгож чуулганаар хэлэлцэж шийдвэрлэх ёстой. Учир нь хуулийн хугацаа нь өнөөдөр дуусгавар болж байгаа юм. Гэтэл жижиг асуудлуудаас болж сайд нарын асуудал гацсаар байгааг эх сурвалж мэдээллээ. Тухайлбал, намууд яамдаа хувааж чадахгүй байгаа гэнэ. АН дотроо хэнд, аль яамыг хариуцуулах эсэх асуудлаараа тохирч чадаагүй байна. МАН ч мөн ялгаагүй дотроо маргаантай байгаа аж. Үүний улмаас урьдчилсан байдлаар нэрс нь тодорхой болсон сайд нарын нэрсэд өөрчлөлт орж байгаа юм байна.

Мөн намын бүлгүүд Ерөнхий сайд Ч.Сайханбилэгтэй ээлж дараалан уулзаж байна. Хамгийн сүүлд л гэхэд “Шударга ёс” эвслийн дарга Н.Батцэрэг, М.Энхсайхан нар Ерөнхий сайдтай уулзсан байна.  Энэ байдлаараа өнөөдөр сайд нарыг томилох эсэх нь эргэлзээтэй байна.