Жүдо бөхийн энэ оны хамгийн сүүлийн тэмцээн бөгөөд нэр хүнд цар хүрээгээр ДАШТ-ний дараагаар орох Токиогийн "Их дуулга" өнөөдөр эхэлсэн. Одоогийн байдлаар эрэгтэйчүүдийн -60 кг-ын жинд барилдсан шинэхэн дэлхийн аварга, тус жинг чансаагаараа тэргүүлж яваа Г.Болдбаатар болон дэлхийн аваргын мөнгөн медалт Д.Амартүвшин нар ялагдал хүлээж тэмцээнийг үргэлжлүүлэх боломжгүй боллоо.
                Мөн эмэгтэйчүүдийн -48 кг-ын жинд барилдсан Г.Отгонцэцэг, -53 кг-ын жинд барилдсан А.Цолмон, -73 кг-д хүч үзсэн Д.Сумъя нар хоёрдугаар тойрогтоо Японы тамирчдыг барьсангүй. Харин эрэгтэйчүүдийн -73 кг-д барилдаж буй Хөдөлмөрийн баатар Х.Цагаанбаатар, МУГТ С.Ням-Очир нар эхний учраагаа ялаад байна. Жүдо бөхийн "Их дуулга" тэмцээний талаарх манай тамирчдын мэдээллийг бид цаг алдалгүй эргэж мэдээллэх болно.