Ч.Сайханбилэгийн засгийн газар яамд, сайд нараа өөрчилж байгаа энэ үед Байгаль орчин, ногоон хөгжлийн яамны нэрийг солих саналыг гаргасан юм. Харин үүнийг ИЗНН-ынхан дэмжихгүй гэдгээ илэрхийлж, эсэргүүцсэн. Учир нь ИЗНН-ын хувьд ногоон хөгжлийн бодлогыг баримталдаг. Улмаар С.Оюун сайдыг байхад  БОНХЯ нэртэй байсныг нь Ч.Сайханбилэг Байгаль орчин аялал жуулчлалын яам нэртэй болгоё гэсэн саналыг дэвшүүлсэн нь тэдэнд таалагдахгүй нь лавтай. Тэгвэл уг яамны нэрэнд ногоон хөгжил гэдгийг нь тусгаж шинэчилжээ. Тодруулбал,  БОНХЯ нь Байгаль орчин, ногоон хөгжил, аялал жуулчлалын яам гэсэн хамгийн урт нэртэй яам боллоо. Энэ яамных нь сайдаар МАН-ын сайд ажиллахаар болж байгаа бол дэд сайдаар нь ИЗНН-ын гишүүн ажиллах магадлалтай байгаа гэдгийг  эх сурвалж мэдээлээ.

Юутай ч ногоон хөгжил үгээ авч үлдсэн ИЗНН-ынхан ихэд сэтгэл хангалуун байгаа бололтой. ИЗН-ын дарга С.Дэмбэрэл “Ногоон хөгжил гэдэг үгээ ямар ч байсан Засгийн бүтцэд үлдээж чадлаа. Одоо боллоо”  хэмээжээ.