Монгол Улсын Ерөнхий прокурорын үүрэгт ажлаасаа өөрийн хүсэлтээр чөлөөлөгдөх хүсэлт гаргасан Д.Дорлигжав өөрийнхөө үүрэгт ажлыг өнгөрсөн хугацаанд сайн гүйцэтгэж байсан талаараа мэдээлэх гэж сэтгүүлчдийг дууджээ. Улмаар ажилчдадаа өнгөрсөн хугацаанд сайн ажилласан гэх урмыг үгийг дуулгаад сэтгүүлчдийг хөөх шахуу танхимаасаа гаргав.

Тэрбээр энэ үеэр Ерөнхий прокурорын үүрэгт ажлаа Монгол Улсын Ерөнхий прокурорын орлогч, төрийн хууль цаазын шадар зөвлөх Г.Эрдэнэбатад албан ёсоор хүлээлгэн өглөө. 

Мөн Д.Дорлигжав "Прокурорын байгууллагыг зарим хүмүүс огт юм хийдэггүй гэх мэтээр шүүмжилдэг. Улмаар шүүх, мөрдөн байцаагч л гол ажлыг хийж байгаа мэтээр ярьдаг. Гэвч бидний хийж гүйцэтгэх ажил маш их байдаг" гэсэн юм. Дашрамд хэлэхэд, Ерөнхий прокурорын ажилд шинээр томилогдох хүн нь одоогоор тодорхойгүй байна.