УИХ-ын дарга З.Энхболд Өсвөрийн зохион бүтээгчдийн ерөнхий боловсролын лаборатори ахлах сургуулийн нээлтийн ажиллагаанд өнөөдөр оролцож үг хэллээ. Тэрээр хэлсэн үгэндээ  "Инноваци, бүтээлч сэтгэлгээг хөгжүүлэх, шинийг эрэлхийлэхийг улс бодлогоор дэмжих ёстой. Монгол Улсын өнөө, ирээдүйн хөгжил цэцэглэлтийг зохион бүтээгчид бүтээн байгуулна гэдэгт би итгэдэг. Тиймээс инженерийн мэргэжлийг сонгон суралцах хүүхдүүдийг багаас нь бэлтгэх, тэдний техникийн боловсрол, сэтгэлгээг хөгжүүлэх орчныг бүрдүүлэх шаардлагатай" гэсэн байна. Мөн уг арга хэмжээнд Боловсрол, шинжлэх ухааны сайдын үүрэг гүйцэтгэгч Л.Гантөмөр оролцсон юм.
                   Өсвөрийн зохион бүтээгчдийн ерөнхий боловсролын лаборатори ахлах сургууль нь 2014-2015 оны хичээлийн жилээс эхлэн математик, англи хэлээр гүнзгийрүүлсэн сургалтын хөтөлбөр хэрэгжүүлэхийн зэрэгцээ хувцас дизайн, график дизайн, авто, усан загвар, нисэх загвар, робоком электроник, хими технологи, архитектур, интерьер дизайн, үсчин, гоо сайхны чиглэлээр мэргэжлийн чиг баримжаа олгох төрөлжсөн сургалтуудыг явуулж эхэлжээ. Нийт 430 гаруй сурагч 7-11 дүгээр ангид суралцаж байгаагаас 100 орчим сурагч мэрэгжлээ сонгон суралцаж байна.