УИХ-ын өнгөрсөн баасан гарагийн нэгдсэн чуулганы хуралдаанд хэд, хэдэн гишүүд халамцуу ирсэн нь олныг гайхшруулаад авсан. Зарим нэг нь УИХ-ын дарга руу ширүүхэн үг чулуудаад ч амжсан. Тэгвэл согтуу гишүүдийн асуудлаар УИХ-ын Ёс зүйн дэд хорооны дарга М.Батчимэг "Өнөөдрийн байдлаар согтуу гишүүдийн асуудлаар хэн нэгэн гомдол санал өгөөгүй учир тухайн гишүүний асуудлаар хэлэлцээгүй байгаа. Ёс зүйн дэд хорооны зүгээс гишүүдийн гуравны хоёр нь асуудлыг авч хэлэлцэх ёстой гэж үзвэл хэлэлцэх үүрэгтэй" гэжээ.