МАХН-ын Ерөнхий нарийн бичгийн дарга Г.Шийлэгдамба Эрүүл мэнд, спортын сайдад нэр дэвшээд байгаа нь зарим хүмүүсийн бухимдлыг хүргээд байгаа юм. Учир нь зарим иргэд мэргэжлийн биш хүн энэ салбарыг удирдаж явж чадахгүй хэмээн санал бодлоо илэрхийлээд байгаа нь нууц биш. Өөрөөр хэлбэл, салбарын бус хүн Эрүүл мэнд, спортын сайдаар ажиллана гэхээр нийгэмд янз бүрийн эргэлзээ төрч эхлэх нь ойлгомжтой.

Тэгвэл МАХН-ын хувьд давхар дээлнээс татгалзах зарчмын хүрээнд Г.Шийлэгдамбыг энэ албан тушаалд нэр дэвшүүлсэн бөгөөд Г.Шийлэгдамба ч энэ салбарыг сайн авч явна гэдэгтээ итгэлтэй байгаа аж. Түүний хувьд эрүүл мэнд, спортын салбарын ололттой талыг өргөж, уналттай талыг засаж явж чадна хэмээн ам гараад байгаа юм. Өөрөөр хэлбэл, тэрбээр энэ салбарыг амжилттай авч явж чадна гэдэгтээ бат итгэлтэй байгаа гэнэ.