Өнөөдөр өглөө Байнгын хороодын хуралдаанаар зарим сайд нарыг томилох эсэх асуудлыг хэлэлцэж дэмжсэн. Тодруулбал, Нийгмийн бодлогын байнгын хорооны хуралдаанаар Эрүүл мэндийн сайдад нэр дэвшиж буй Г.Шийлэгдамбыг байнгын хорооны гишүүд 100 хувийн саналаар дэмжсэн бөгөөд “Хамгийн их хэл ам дагуулсан, асуудал ихтэй салбарын ажлаа 100 хувь хийгээрэй” гэж захисан юм. Одоо түүнийг сайдад томилох эсэхийг чуулганы хуралдаанаар эцэслэн хэлэлцэнэ.

Иргэд түүнийг мэргэжлийн бус хүн учраас Эрүүл мэндийн салбарыг удирдаж чадахгүй гэж үзэж байгаа. Энэ талаар түүнээс ганц асуултад тайлбар авлаа

-Таныг  эрүүл мэндийн салбарын мэргэжлийн хүн биш гэж шүүмжлэх хүмүүс бий. Энэ салбарыг удирдахад хэр  тохиромжтой хүн гэж өөрийгөө үзэж байна вэ?

-Тохиромжтой эсэхийг одоо хэлэлцэнэ. Гишүүд чуулганд энэ талаар үгээ хэлэх байх. Би ч бас чуулганд энэ талаар байр сууриа илэрхийлнэ.