УИХ-ын өнөөдрийн нэгдсэн чуулганаар Засгийн газрын гишүүдийг томилож дуусгана. Тиймээс маргаашнаас эхэлж Ч.Сайханбилэгийн Засгийн газрын дэд сайд болон төрийн нарийн бичгийн дарга нарын асуудал яригдаж эхэлнэ. Дэд сайдуудын хувьд урд өмнө засаг хамтарч байгуулж байсан шиг сөөлжүүлсэн байдлаар томилох саналыг эрх баригчид гаргасан боловч МАН-ынхан намынхан хариуцсан яам тус бүртээ өөрийн хүнээ томилох нь зүйтэй. Хэрэв сөөлжүүлбэл нэгнийхээ ажлыг хийлгэхгүй байдаг гэсэн санал гаргажээ. Хэрэв энэ санал дэмжигдвэл АН 9 дэд сайд, МАН 5 дэд сайд, “Шударга ёс” эвсэл хоёр дэд сайдын суудалтай ажиллана.  Тэгвэл АН-ын дэд сайдуудын нэр ч аль хэдийн яригдаад эхэлжээ. АН-аас О.Магнай, Б.Баттүвшин, М.Хүдэрбаатар, О.Эрдэнэбулган зэрэг хүмүүсийг ярьж байгаа гэнэ. Харин МАН болон “Шударга ёс” эвслийнхэн дэд сайдад хэнийг томилох талаар одоогийн байдлаар мэдээлэл алга.