Засгийн газрын гишүүдийг томилох тухай асуудлыг хэлэлцэж буй чуулганы хуралдаанаар Сангийн сайдад нэр дэвшигч Ж.Эрдэнэбатыг томилох асуудлыг яг одоо хэлэлцэж байна.
                 Энэ үеэр нэр дэвшигч Ж.Эрдэнэбатаас УИХ-ын гишүүн Гарамгайбаатар ийнхүү асуусан юм. Тэрээр “Сүүлийн үед Засгийн газарт МАН-ынхан гуйлгаж байгаад орж ирсэн юм яриад байна. Та энэ засагт гуйлгаж байж орж ирсэн үү, Мөн Сангийн яамны сайд болох гэж байгаа хүний хувьд Монгол орны эдийн засгийг ямар төвшинд байна гэж үзэж байгаа вэ. Би хувьдаа хуучин Эдийн засгийн хөгжлийн яамыг байх ёстой гэж боддог. Та хувьдаа энэ яамыг байх ёстой гэж боддог уу. Бид хоёр ч зөвлөмж гаргаж, түүнийгээ хэрэгжүүлэх үүргийг өгсөн. Та энэ зүйлүүдийг үргэлжлүүлэх үү” гэж асуусан юм.

Харин УИХ-ын гишүүн, Сангийн сайдад нэр дэвшигч Ж.Эрдэнэбат “Ерөнхий сайд томилогдоод бүх нам эвслүүдэд хүсэлт гаргасан. Монголын эрх ашиг ард түмний эрх ашиг гэж байна тиймээс хамтарч ажиллах нь зүйтэй гэсэн санал гаргасан. Манай нам энэ асуудлыг олон удаа хэлэлцсэн. Гишүүдийн дунд янз бүрийн байр суурь илэрхийлж байсан. Гэхдээ олонхоороо улс орныхоо төлөө хамтарч ажиллах нь зүйтэй гэсэн шийдвэр гаргасан. Тиймээс бий шийдэврийг дагна. Эдийн засаг өнөөдөр хямралд орчихсон байна. Та Эдийн засгийн байнгын хорооны дарга байсан хүний хувьд мэдэж байгаа байх. Миний хувьд Эдийн засгийн хөгжлийн яам байх нь зүйтэй гэж боддог. Эдийн засгийн хөгжлийн яамны гол алдаа нь эдийн засгийн хөрөнгө оруулалт тал руу биш төсвийн хөрөнгө оруулалтад анхаарал хандуулсан юм. Судалгаа шинжилгээнд үндэслэн өмнө гаргасан шийдвэр, тогтоолуудыг үргэлжлүүлнэ.