Чуулганаар Засгийн газрын гишүүдийг томилох асуудлыг хэлэлцэж байна. Яг одоо Хууль зүйн сайдад нэр дэвшиж буй Д.Дорлигожавыг томилох эсэхийг хэлэлцэж байгаа юм. Гишүүд хууль, хяналтын байгууллагатай холбоотойгоор хэрхэн ажиллах талаар нэр дэвшигчээс асуулж байна.  Энэ үеэр УИХ-ын гишүүн Н.Номтойбаяр болон Ж.Батзандан нар ингэж асуусан юм.

Н.Номтойбаяр: "Би хувьдаа хяналт бас хөгжил гэж хардаг. Энэ бол маш чухал салбар юм. Сайдад нэр дэвшигчийг АН-ынахан долоо хэмжиж нэг огтолж байж тавьжээ. Таныг дэмжиж ажиллана.  Сүүлийн үед хууль зүйн салбарт үүссэн асуудал бүхнийг монголчууд өөрсдөө хийсэн үү гэдэгт би эргэлздэг. Зөвлөх нэртэй гадныхны шахалтад ороод байгаа юм биш биз. Гадны зөв зүйлийг авах нь чухал. Гэхдээ гадныхан хүчээр зөвлөөд байгаа юм шиг байна. Та энэ асуудалд ул суурьтай хандаарай. Гэм буруу нь тогтоогдоогүй байхад Хууль зүйн сайд нь олон нийтэд мэдэгддэг. Олон хүнд ийм зүйл тохиолдсон. Надад ч тохиолдсон зүйл. Орон байрны хулгайн хэргээр шорон оронд сууж байсан нөхөр миний нэр хүндэд нэлээд халдсан. Гэтэл энэ асуудлаар Хууль зүйн сайд нь гурван удаа, цагдаагийн байгууллага нь гурван удаа  болон нийтэд мэдээлэл хийж байсан. Харин үүнийг нь цагдаагийн намайг буруугүй гэж тогтоосон. Гэтэл нэг ч тайлбар хийгээгүй. Тиймээс нэр дэвшигчээс хуулиар гэм буруугүй гэдэг нь нотлогдоогүй байхад буруутай мэтээр олон нийтэд зарладаг асуудлыг болиулах хэрэгтэй гэж хэлмээр байна" гэсэн юм.

Хууль зүйн сайдад нэр дэвшигч Д.Дорлигжав: "Бид бүгдээрээ мэдэж байгаа. Гадны хүчин зүйл яваад байна уу, үгүй юу гэдгийг. Ер нь анзаарагдаж л байдаг. Гэм буруутай нь тогтоогдоогүй байхад шуугиан дэгдээдэг талаар та хэллээ. Би үүний эсрэг байдаг.  Энэ талаарх миний санал бол хууль гаргавал ямар вэ гэж. Хэрэв тэгэхгүй бол энэ байдал тасрахгүй юм байна. Аль ч талдаа ёс зүй гэдэг зүйлийг барьж явах хэрэгтэй. Ядаж төрийн өндөр албан тушаал хашиж байгаа хүмүүс хэлэх хэлэхгүй үгийг, хаа хамаагүй хэлэх юм аа. Үүнийг хуульчилах гэж оролдвол ямар вэ гэсэн бодол байдаг" гэлээ.

Ж.Батзандан: Өмнөх хууль зүйн сайд чинь аж ахуйн нэгжийг дарамтладаг байсан тухай өдөр болгон ярьж байна. Үүнийг та шалгаарай. Огцорч буй хууль зүйн сайд холимог системээр эрх зүйн системийг явуулна гэж үзсэн. Тэгвэл таны үед эрх зүйн систем чинь яаж явах вэ. Би хувьдаа эрүүгийн хууль, эрүүгийн байцаан шийтгэх хууль, захиргаан хууль гэх зэрэг хуулидыг яаралтай батлах ёстой гэж боддог. Та ямар байр суурьтай байгаа вэ, өмгөөлөгч болон хууль хяналтынханы тэнцвэрийг яаж зогцуулах вэ" гэж асуусан.

Хууль зүйн сайдад нэр дэвшигч Д.Дорлигжав: "Эрх зүйн хоёр систем бий.  Үүнийг нийлүүлээд, холимог болгоод оновчтой явсан жишиг дэлхий дээр хаана ч байхгүй. Харин зарим нэг зүйлийг нь авч хэрэглэх боломжтой.  Өмгөөлөгч нарын асуудал байна. Эрүүгийн байцаан шийтгэх хуулиар өмгөөлөгчдөд нотлох баримт цуглуулах эрх өгөх үү, үгүй юу гэдэг зүйлийг ярьж байна. Одоогийн эрх үүрэг нь хэвээрээ л байгаа. Өнөөдөр өмгөөлөгч нар улс төрийн шинжтэй ажлаа хийдэг болжээ. Нэг үгээр хэлбэл ажил нь буруу тийшээ эргэсэн байна. Гэхдээ өнөөдрийн нөхцөл байдлаар бол өмгөөлөгч болон прокурорт хоёуланд нь эрх, үүрэг нь хангалттай байгаа гэдгийг хэлмээр байна" гэв.