Улстөрд 70-аад оныхны эрин үе ирлээ
гэдгийг сүүлийн үеийн улстөрийн үйл явдлууд харуулах боллоо. АН Ерөнхий
сайдаар залуу лидерүүдийнхээ нэг Ч.Сайханбилэгийг томилсон бол МАН-ынхан
түүний хамтрагчаар мөн л үе тэнгийн “үхэр хонь жилтэн” У.Хүрэлсүхийг
илгээв. Тэднийг амаргүй хүнд давуу, хатуу ширүүн улстөрийн өдрүүд хүлээж
байна. Ерөнхий сайд асан С.Баяр “Энэ Засгийн газарт орж байгаа сайд нар
бол шүхэргүй онгоцонд суусан нисгэгчид” гэж хэлсэн нь тун оновчтой
тодорхойлолт болсон гэлтэй. Торгуулийн суманд хуваарилагдсан сайд нараас
Ерөнхий сайд, шадар сайд нарын үүрэх ачаа хамгийн хүнд байх нь
дамжиггүй. Тэдний хэрхэн гар нийлж, ойлголцож хоршиж ажиллахаас их зүйл
шалтгаалах билээ. Ингээд хямралын эсрэг хамтрагчдын сонирхолтой ялгарал
ба давхцалыг хүргэж байна.
Ухамсарын шанаа ба учирлан тайлбарлагч:
У.Хүрэлсүхийн Г.Баярсайханд өгсөн алдарт “ухамсарын шанаа”. Яг энэ үеэр
Ч.Сайханбилэг коридорт тааралдаж гар зөрүүлсэн ангийн нөхдөө салгаж,
У.Хүрэлсүхийг тайвшруулсан. Энэ бол тэдний амьдрал дээрхи дүр зургийн
шууд тусгал билээ. Ч.Сайханбилэг хэр барагтаа бусадтай тэмцэлддэггүй
асуудлыг эв зүйгээр шийдэх арга барилтай “дипломатич” шинж чанартай бол
У.Хүрэлсүх эсрэгээрээ. Дургүй байгаа зүйлээ дүрс хийтэл хэлчихдэг,
даруухан имижтэй намдаа цог зоригоороо ялгардаг улстөрч. Тэдний эрс тэс
энэхүү ялгарал хамтын ажиллагаанд нь яаж нөлөөлөх бол?
Өндрүүд: Эрс
тэс зан араншин, арга барилтай ч тэдэнд ижил төстэй шинж маш их байна.
Монгол Улсын төрийн гурван өндөрлөгийн нурууны харьцааг эрс эвдэж
улстөрд өндрүүдийн эринийг авчирсан Ч.Сайханбилэгийн хамтрагч
У.Хүрэлсүх нь мөн л өндөр нуруулаг нэгэн. Загвар өмсөгч биш юм хойно
тэдний өндрийн харьцааны тухай мэдээлэл олдсонгүй.
Үе тэнгийн бич, тахиа жилтнүүд: У.Хүрэлсүх
1968 оны 6-н сарын 24-нд төрсөн бол, Ч.Сайханбилэг 1969 оны 2-р сарын
17-нд төрсөн. Тэдний дунд нэг насны л зөрүү бий. Пионерийн дуу аялж,
маслотой талх “цохиж” ардчилал шинэчлэлийн жилүүдийг адилхан мэдэрсэн
нэг үеийнхэн.
3х3, 2х2: Ийм
сонирхолтой тоон давхцалууд тэднийг холбох ажээ. Өөрөөр хэлбэр
Ч.Сайханбилэг, У.Хүрэлсүх нар хоёулаа гурван удаа УИХ-ын гишүүнээр
сонгогдож тангараг өргөж байжээ. Мөн Ч.Сайханбилэг өмнө нь гэгээрлийн
сайд, Засгийн газрын хэрэг эрхлэх газрын дарга гэсэн албан тушаалыг
хашиж Засгийн газрын гишүүнээр 2 удаа ажиллаж байсан бол У.Хүрэлсүх
Онцгой байдлын сайд, мэргэжлийн хяналтын асуудал эрхэлсэн сайдаар 2 удаа
засгийн газрын гишүүнээр ажиллаж байв.
Залуучуудын байгууллагын лидерүүд
Ерөнхий
сайд Ч.Сайханбилэг нь Монголын залуучуудын холбооны нарийн бичгийн
дарга, ерөнхийлөгчөөр ажиллаж байсан бол У.Хүрэлсүх нь Монголын
ардчилсан социалист залуучуудын холбоог үүсгэн байгуулж анхны
ерөнхийлөгчөөр нь ажиллаж байв. Тэднийг улстөрийн энэхүү өндөрлөгт
хүрэхэд залуучуудын байгууллагаар зангидагдсан нөхөд нь хөл дэм болсоор
ирсэн.
Ц.Элбэгдоржтой он жилүүд
Сонирхолтой
нь тэд хоёулаа Монгол Улсын Ерөнхийлөгч Ц.Элбэгдоржийг хоёр удаа
Ерөнхий сайдаар томилогдоход танхимд нь багтаж байсан. Ц.Элбэгдоржийг
анх удаа Ерөнхий сайд болоход Ч.Сайханбилэг гэгээрлийн сайдаар
томилогдож байсан бол хоёр дахь танхимд нь У.Хүрэлсүх онгой байдлын
сайдаар ажиллаж байсан.
Хар шилтнүүд: Жирийн үед тэдний стиль имижийг тодруулагч нь хар шил. Гэхдээ У.Хүрэлсүх хар шил зүүгээд мотоцикль хөлөглөж салхи татуулан давхих дуртай бол Ч.Сайханбилэгт тийм талын хобби байхгүй. У.Хүрэлсүх гитар барин тайзан дээр гарч ирсэн бол Ч.Сайханбилэг эхнэртэйгээ урлаг гоо зүйн талаар, харин эхнэр нь түүнтэй улстөрийн талаар ярилцдаггүй гэж нэгэнтээ дурсчээ.
Ижил мэргэжил, ижил зам :
Албан ёсны намтартаа тэд хоёулаа орос англи хэлтэй гэж бичсэн байна.
Мөн ижилхэн хуульч мэргэжилтэй. Ч.Сайханбилэг АН 2000 оны сонгуульд
ялагдахад АНУ-руу боловсролоо дээшлүүлэхээр мордож байсан бол У.Хүрэлсүх
2012 оны сонгуулийн дараа Австралийг зориод ирсэн ижилхэн дүр зураг
тэднийг мөн л холбох ажээ.
Хүчтэй эрчүүд: Хамтрагчид
маань ухаан бодлоо хүч бяр шигээ нэгтгэвэл “уулыг босгож, усыг нь
эргүүлэх чадалтай” гэнэ. Албаны өрөөндөө шигдэж суудаг улстөрчдийг
бодвол тэд бие бялдараа хөгжүүлж, хатуу хөтүүг сөрөх дуртай зан
чанараараа ижил. Ч.Сайханбилэг цээжнээс 180 кг шахаж сонирхогчдын
тэмцээнд түрүүлж байхад У.Хүрэлсүх Австралид сурч байв. Харин эх
сурвалжууд бэлтгэл хурандаа У.Хүрэлсүхийг 200 кг шахдаг гэв.
Сэтгэгдэл (25)