Төрийн ордонд хүссэн хүн бүр ороод байдаггүй. Ордонд орж буй хүмүүст олон төрлийн шалгуур тавьдаг. Бүр ордны хууль ч гэж бий. Тэрхүү хуулинд хувцасны соёлын талаар зарим зүйлийг зааж өгсөн байдаг. Уг хуулинд ордонд жинсэн өмд,пүүз, өвдөгнөөс дээшээ мини юбка, мөр хэнхдэгээ гаргасан цамц өмсөж орохыг хориглосон байдаг.
             Тэгвэл өнөөдөр цахим ертөнцөөр Ардчилсан намаас УИХ-д сонгогдсон Л.Эрдэнэчимэг гишүүний энэхүү зураг нэлээд шуугиан дэгдээж байна. Цахим ертөнцийнхөн ч түүнд ихээхэн шүүмжлэлтэй хандаж “Энэ хууль дүрэм нь УИХ-ын гишүүдэд үйлчилдэггүй бололтой” гэж бухимдаж байгаа юм. Ардчилсан нийгмийн хууль, дүрэм хүн бүрт ижил тэгш үйлчлүүлэх ёстой. Хууль, дүрэм нь гишүүдэд үйлчилдэггүй юм бол Төрийн ордны хуулиа өөрчлөх нь зүйтэй гэсэн зүйлийг ч ярьж, хэлж, бичиж байна.