Дуурь бүжгийн эрдмийн театр энэ оны төгсгөлд Ж.Вердийн “Риголлетто”дуурийг хоёр удаа тоглох болжээ. Энэ сарын 13, 14-нд тоглох уг дуурийн гол дүрд Ч.Энхтайван, А.Сайнбаяр нар тоглоно.

Түүний охин Жильдагийн дүрд гавьяат жүжигчин Ө.Уянга, Н.Туяа нар дуулна. Уг дуурийн цомнолыг В.Гюгогийн “Хааны зугаа цэнгэл” зохиолоос сэдэвлэн В.Пьяве бичжээ. ХYI  зууны Итали оронд болж буй үйл явдал, хааны ордны зугаа цэнгэл, ордны салбадай Риголеттогийн эмгэнэлт хувь заяаны тухай энэ дуурьт  өгүүлдэг. 1851 онд Венецид анх тоглосон бөгөөд Монголын үзэгчид 1987 онд “Риголетто”-г анх үзжээ.