МАХН-ын Ерөнхий нарийн бичгийн дарга Г.Шийлэгдамба Эрүүл мэндийн сайдаар томилогдсон учир түүний орны хүнийг томилох шаардлага гараад байгаа юм.

 Тэгвэл тус намын Гүйцэтгэх товчоо өчигдөр шөнө болтол хуралдаж Г.Шийлэгдамбын оронд Ц.Шаравдоржийг томилох шийдвэрийг урьдчилсан байдлаар гаргажээ. Мөн намаасаа сонгогдсон хоёр сайддаа ажил үүргийн зөвлөмж өгсөн байна. Ц.Шаравдоржийн хувьд МАХН-ын нарийн бичгийн даргын үүргийг одоо гүйцэтгэж байгаа юм. Тиймээс Ерөнхий нарийн бичгийн дарга болоход буруудах юмгүй гэж тус намынхан үзэж байгаа аж.