УИХ-ын нэгдсэн чуулганаар Сангийн яамнаас өргөн барьсан 2014 оны төсөвт өөрчлөлт оруулах асуудлыг хэлэлцэж байна. Энэ үеэр гишүүд төсөвтэй холбоотой асуултуудыг хууль санаачлагч Сангийн яамны сайд Ж.Эрдэнэбатаас тодруулж байна.

Энэ үеэр УИХ-ын гишүүн Б.Чойжилсүрэн “Ирэх оны төсөвт ямар хэмжээний орлого цуглуулахаар тодотголдоо суулгаж өгсөн бэ. Мөн энэ жил "Оюутолгой" компани ямар хэмжээний экспорт хийсэн бэ, тус компанийн борлуулалтын орлого орж ирэхгүй байгаасаа болж валютын ханш доголдоод байна гэсэн таамаг байна. Засгийн газрын үнэт цаасны дотоод болон гадаад үнэт цаасны үлдэгдэл хэлж өгнө үү. Аржилжааны банкуудтайгаа ЗГ нь үнэт цаасны хүүгээр өрсөлдөөд байх уу. Сангийн сайдын хувиар та зээл болон бондын өрийн талаар тодорхой мэдээлэл өгөөч. Засгийн газрын үнэт цаасны хэмжээ 2.4 хүүтэй болжээ. Цаашаа бонд гаргаад байвал энэ хүү өсөх үү. Та дахиад 400 сая орчим төгрийн бонд гаргаж санхүүжүүлнэ гэж байна. Арилжааны банктайгаа хүүгээрээ өрсөлдөөд байх уу” гэж асуусан юм.
                  Харин УИХ-ын гишүүн, Сангийн сайд Ж.Эрдэнэбат “Оюутолгойтой холбоотой  гадаад худалдааны тэнцлийн хувьд нэлээдгүй их хэмжээгүй экспорт гарсан. 700 мянган тонн зэсийн баяжмал гарсан. Бондын хувь 2.4 их наяд төгрөгийн дотоодын бонд байна. Хүүгийн хувьд 13.7 хувь байна. Төсөв гэдэг нь зүйлийн зүй тогтол алдагдсан. Ирэх онд бонд гарахгүй гэвэл төсвийн зардлаа бууруулах шаардлагатай. Бид төсвийн зардлаа хэтэрхий нэмээд харин орлогоороо түүнийг нөхөж чадахгүй байгаа болох бонд гаргахаас өөр аргагүй. Арилжааны банкуудтай хүүгээр өрсөлдөөд байгаа зүйл байхгүй. Банкуудад санал тавьж байгаа хэрэг” гэж хариулсан юм.